Atualità
Fundazion Dolomites-Unesco partner dl’Expo-Dolomiti: prejentazion ai 25 de setëmber
L svilup tl raion dla Dolomites sciche arpejon mundiela, ciunes che sarà la sfides y la pusciblteies che pieta l recunescimënt da pert dl’Unesco sarà argumënt de descuscion pra la “Expo delle Dolomiti” a Longarone tl Belun. Partner de chësta fiera ie la Fundazion Dolomites-Unesco che prejënterà la fiera n mierculdi, 25 de setëmber a Bulsan.
Per l terzo iede vëniel chëst ann metù a jì la "Expo delle Dolomiti" che dëssa vester na vedrina per l raion recunesciù dal'Unesco y tl medemo mumënt luegia de descuscion sun l svilup dl raion. L'edizion da chëst ann toma nce adum cun i 50 ani dla catastrofa dla diga dl Vajont, che ai 9 de utober 1963 ova gaujà belau 2000 vitimes.
La "Expo delle Dolomiti" vën tenida da vënderdi a sada, 27-29 de setëmber. Danterauter uniral nce tratà i argumënc de na macro-region dl'Eles, la mubilità sustenibla, strategies per n turism "nuef" nchin a ruvé a rujené de co stravardé y nuzé l raion arpejon mundiela.
La "Expo" vën prejenteda
n mierculdi 25 de setëmber
dala 11.00
tla sala dla reunions, tla cësa provinziela 11, bas ite,
streda Renon 4 a Bulsan
Da pert dl assessëur provinziel per la cuntreda y presidënt dla fundazion Dolomites-Unesco deberieda cun Osca De Bona, presidënt dla sozietà "Longarone Fiere" y Roberto Padrin, ambolt de Longarone.
as
