Atualità
Comisciun tecnica provinziala azeta strotöra a Corvara
A Corvara pol gnì fat sö n zënter de proteziun zivila. Le proiet é gnü azetè dala Comisciun tecnica dla Provinzia.
Le comun da Corvara ô arjigné na sënta nöia por les organisaziuns de pröm aiüt y i sorvisc de proteziun zivila. Le proiet preliminar por chësc zënter de proteziun zivila nü é gnü aprovè en lönesc sëra, ai 7 d’otober dala Comisciun tecnica dla Provinzia che à inće aratè che i cosć totai stimà incër 3,45 miliuns de euro sides adeguà.
Por che la Provinzia finanziëies i proieć de costruziun dl comun ôl ester l’aprovaziun di proieć preliminars da pert dla Comisciun tecnica. (USP)
usp
