Atualità
La preparaziun por l’entrada nöia tla Val Badia é rovada
Le proiet peliminar y chël presentè por l’entrada nöia tla Val Badia cun n tunel y n punt tl raiun dl comun da San Laurënz é gnüs stlüć jö, le proiet esecutif é dan man y vëgn al momënt valuté.
"Le proiet preliminar y chël presentè" spliga l’assessur por i laûrs publics "é gnüs portà a fin y aprovà, al é gnü fat la registraziun tl plan urbanistich, al é gnü damanè les autorisaziuns plü importantes sciöche l’arat de valutaziun dl dann sön l’ambiënt y la detlaraziun de conformité urbanistica y inće les prozedöres d’espropriaziun é bele gnüdes inviades ia".
Sciöche pröm laûr por la costruziun dl’entrada nöia mëssel gnì spostè la condüta dal gas dla sozieté Erdgas Società Nazionale Metanodotti Snam; por chësc éson bele rovà a n’acordanza y la Junta provinziala à bele de mà aprovè i mesi finanziars che va debojëgn por chësc laûr de spostamënt. Al é inće bele gnü fat les analises sc’al jiss debojëgn da eliminé relić dla vera.
Le proiet esecutif é bele dan man y vëgn atualmënter valuté. I laûrs de costruziun dess gnì scrić fora te chësc ann che vëgn, insciö l’assessur por i laûrs publics. (USP)
usp
