Atualità
Presentaziun dl´ativitè dla Laimburg ti ultimi dui agn incö a Balsan
USP – Sostanzes desvalies de sura cënt sortes de pom, l’alzamënt di indesc de cualité pro les chersces, prozedimënć por la conservaziun zënza l´utilisaziun de sostanzes chimiches y strategies nöies pro l´inagaziun: chëstes é ma en pêr dles tematiches tratades ti ultimi dui agn dal zënter por l’ arichida dla Laimburg. Indöt 25 raporć é gnüs analisà incö ai 19 de mà a Balsan dal´assessur provinzial Schuler y dal diretur Oberhuber tla cornisc dla presentaziun dl raport sura l’ativitè tl ćiamp dl’archirida dla Laimburg ti ultimi dui agn. Le raport presentëia ma na pert di resultać dl laûr di ultimi dui agn dla Laimburg.
„Por la presentaziun da incö él gnü chirìs fora i 25 proieć d' arichirida plü interessanć", spliga Michael Oberhuber, le diretur dla Laimburg. Le raport di agn 2012 y 2013 contëgn indöt 360 proieć d' inrescides. Le plann atual por le 2014 prevëiga indöt 352 proieć y tl ann 2013 à la Laimburg abiné adöm 2,3 miliuns de euro sciöche contribuć da terzi.
„L´archirida y la inovatiun da incö é le vantaje y le svilup economich da induman", insciö descrî le assessur provinzial Arnold Schuler l' importanza dl zënter d´archirida Laimburg por l' economia y le svilup tl Südtirol. L'ativité tl ćiamp dl'archirida à portè la Laimburg ti ultimi agn tres deplü tl zënter dl'archirida inće internazionala. Bele dan le mëteman de süa inćiaria sciöche assessur à le Govern provinzial da denant tut la dezijiun che la Laimburg sarà tl dagnì na corporaziun provinziala y nia sciöche ti agn passa, na repartiziun dla provinzia, spliga Schuler.
L' assessur Schuler presentëia inće les priorites por le dagnì: „Al zënter dl'arichirida dla Laimburg di proscimi agn sarà le svilup dles sostanzes por la sconanza dles plantes. Adöm ala colaboraziun cun la Université da Balsan él preodü da miorè la cualitè di alimentars locai sciöche inće da svilupé produć nüs por le marcè". Le zënter d' arichirida por l´agricoltöra dla Laimburg é l´istituziun plü importanta por les inrescides sön le ćiamp dl'agricoltöra y dla cualitè di alimetars tl Südtirol. L' obietif primar dla Laimburg é l'alzamënt dla competitivité di produć dla agricoltöra locala y de conservè y inalzè la cualitè di alimënć locai. Indöt él plü de 200 colaboradus y colaboradësses che laora pro la Laimburg, istituziun che é gnüda fondata tl' ann 1975.
rc
