Atualità
Degustaziun de vins fać fora de plantes da üa antiches tl Museum de Vin
USP – Deplü sorts de plantes da üa che an ćiafa ma plü dainrè aldedaincö vëgn presentàdes tl Museum dl Vin en vëndres, ai 23 de mà dales 7 da sëra a Kaltern. Tratan la presentaziun vëgnel inće pité la poscibilité da porvè fora i vins fać fora de chëstes plantes da üa.
Les plantes da üa s'à trasformè cun le tëmp y insciö é tröpes plantes da üa da dan da 100 agn nia plü da ćiafè aldedaincö. Tles vignes dl Museum dl Vin da Kaltern vëgnel coltivé plantes de üa che ê dër adorades inlaôta te Südtirol y che aldedaincö ne vëgn prësc coltivades da degun viticoltur tl raiun provinzial. Por ejëmpl fejel pert dles plantes les sorts „Blatterle", „Fraueler", o „Versoaln".
Le Museum dl Vin inivëia en vëndres, ai 23 de mà dl 2014, a na degustaziun di vins fać fora de chëstes plantes da üa y a na presentaziun serala dla mostra. La presentaziun mët man dales 7 da sëra y döra indöt n ora y mesa. L'entrada costa 10 euro. Al é aconsié da se prenotè al numer 0471 963168 o sön la plata internet http://www.weinmuseum.it/. Deplü informaziuns sura mostres, incuntades y presentaziuns de düć i museums de Südtirol pon ćiafè sön la plata internet http://www.museen-suedtirol.it/.
rc
