Atualità
Indoman deura la ćiasa nöia dles ês a Dietenheim
USP - Le Museum provinzial dles usanzes y dles tradiziuns a Dietenheim ciafa n'atraziun implü: indoman, jöbia ai 29 de mà, gnaràl daurì la ćiasa nöia dles ês, olache an ne po nia ma ciafè na vijiun generala de dötes les apicoltöres dl Südtirol, mo olache al é inće poscibl da aprofondì les conescënzes sön la medejina popolara.
La ćiasa dles ês dl Museum dles usanzes da Dietenheim é gnüda ressanada y ingrandida ti ultimi agn, y insciö é la strotorä nöia na combinaziun danter la costruziun vedla y l'ampliamënt modern. Gnü laprò n'él nia ma la pert architetonica mo inće les döes mostres che gnarà daurides indoman: da öna na pert la mostra sura les apicoltöres, dal'atra pert l'esposiziun dla medejina popolara, che se dà jö cun le sorvisc d'assistënza dla popolaziun tratan le 17ejimo secul rovan ćina amesa le 20ejimo secul. Le coliamënt dles döes mostres é rapresentè inće dala manira de dì latina „Ubi apis, ibi salus", che oress dì „Olache al é ês, dailò él la sanité".
Por i mituns y les mitans él inće gnü realisé n percurs didatich, sön chël che an mëss adorè düć i cinch sënsc: sintì la saù, brancè ite, aldì, tofè y odëi.
La daurida de intrames les mostres é
indoman, jöbia ai 29 de mà,
dales 5 da sëra
tl Museum provinzial dles usanzes a Dietenheim
adöm a Karin Dalla Torre, direturia dla Repartiziun di Museums, y Alexandra Untersulzner, direturia dl Museum provinzial dles usanzes da Dietenheim.
rc
