Atualità
Convëgn final sön le proiet sura-reg. “Violënza tla vedla eté” ai 01/07
Le proiet suraregional “Violënza tla vedla eté” danter Tirol y Südtirol gnarà stlüt jö en mertesc ai 1 de messé cun n convëgn tla Université de Balsan. Tratan la daurida gnaràl portè dant dales döes assessuries por la sanité Martha Stocker y Bernhard Tilg (Tirol) i resultać dl proiet.
Le proiet “Violënza tla vedla eté” à sciöche obietif la sensibilisaziun dla popolaziun sön les vitimes de violënza tles istituziuns privates sciöche inće publiches por jënt atempada.
Do les parores de salüt dles assessuries y dla direturia dl Ofize jënt atempada Brigitte Waldner saràl les döes organisadësses dl proiet, Esther Jennings y Marcella Pirrone, che presentarà i resultać dl proiet. Daldô gnaràl mostrè le teater “Das Leben und Punkt”. Sön le program él inće na discusciun sön la tematica „Violënza tla vedla eté” adöm cun Albert March (primar dl ospedal da Balsan), Edith Moroder (jornalista), Elisabeth Pasqualini, Martin Kerschbaumer (assistënt tl setur sozial) y Esther Jennings (esperta sön la proteziun dles vitimes).
Ala fin dl convëgn saràl la direturia dl Ofize Formaziun dl personal sanitar, Veronika Rabenstainer y le diretur dl Zënter Formaziun Vest dl personal sanitar dla TILAK GmBH, Walter Drayl che tignarà na cörta relaziun. Le convëgn vëgn moderè da Sabina Frei. Düć i rapresentanć di media é invià a tó pert al
convëgn final sön le proiet “Violënza tla vedla eté”
en mertesc, ai 1 de messè, dales 14.30
tl salf D102 tla Université Lëdia de Balsan
Plaza dla Université 1, Balsan.
rc
