Atualità
SS de Gherdëna (Laiun): la strada é daverta da incö (25.06) dales 6 inant
I laûrs por l’ampliamënt dla strada statala de Gherdëna SS 242, danter le chilometer 3+230 y le cm 3+400 tl comun de Laiun, à arjunt n bun punt y la strada po insciö gnì daurida al trafich da incö, mercui ai 25 de jügn, dales 6 da sëra inant. Ćina la fin di laûrs podaràn passè tres sön öna na pert dla strada cun la prezedënza alternada.
La dezijiun da daurì la strada é gnüda tuta dal Ofize tecnich dles Strades zënter-sud dl Departimënt Infrastrotöres dla Provinzia do le suralüsc da incö, mercui ai 25 de jügn, dadoman. Les condiziuns dla strada y dles spones de tera dlungia strada é sigüdes y insciö podarà la strada gnì daurida da incö ćina la fin di laûrs tres sön öna na pert cun la prezedënza alternada.
Le tòch de strada che vëgn amplié é da ćiafè danter le chilometer 2+985 y le chilometer 3+400 dla strada statala de Gherdëna tl comun de Laiun, tl post olache la strada devënta tres plü strënta. L´ampliamënt dla strada é nezesciar por podëi garantì la segurëza di autisć. Implü vëgnel inće fat sö n mür de sostëgn, alt 6 metri y lunch 170 metri, danter le chilometer 3+230 y le chilometer 3+400.
rc
