Atualità
Scora ladina: Assegnaziun di posć ai 7 de agost
I posć de rodul y i cuntrać a termo al personal insegnant vëgn assegnà ai 7 de agost tl’Intendënza ladina a Balsan. I posć tles scores de musiga todësces y ladines vëgn indere assegnà ai 6 de agost tla Repartiziun Personal (Palaz Provinzial 8).
Al vëgn lascè alsavëi, che en jöbia ai 07 de agost 2014, dales 9.00 tl’Intendënza Ladina a Balsan, strada Binder n. 29, gnaràl fat l’assegnaziun di posć de rodul y di cuntrać a termo al personal insegnant tles scores tles localitês ladines söla basa dles graduatories provinziales y dles graduatories di concursc ordinars nia ciamò adorades sö por l’ann de scora 2014-15
Dales 09.00 vëgnel assegné i posć lëdi dles scores mesanes y altes.
Dales 09.30 vëgnel assegné i posć lëdi dles scores elementares.
Al’assegnaziun di posć mëss i candidać se presentè cun n documënt d’identificaziun personal. Sce le candidat ne po nia gnì n chël dé, pol se fa rapresentè da na porsona de crëta cun delega scrita.
Por les scores de musiga todësces y ladines vëgn fat l’assegnaziun di posć en mercui, ai 06 de agost tla Repartiziun Personal, Palaz provinzial 8, strada Renon 13, Balsan
De plü informaziuns sön i posć tles scores de musiga pon ćiafè chilò: www.provinz.bz.it/personal/stellenwahl.asp
rc
