Atualità
Agricoltöra biologica: Presentaziun inrescides sön l’ordöra y plantes da öa
L’agricoltöra biologica, la coltivaziun di terać y le sterne coltöra sarà al zënter de dui apuntamënć, trami dui en jöbia, ai 7 de agost dl 2014 cun i esperć dl setur dl Zënter de Sperimentaziun dla Laimburg y dla Fondaziun E. Mach de San Michael sön l’Adige. Al gnarà presentè les inrescides plü atuales sön la tematica dla coltivaziun biologica de früć y la viticoltöra biologica.
Le pröm terminn cun i esperć dla Fondaziun E. Mach é preodü danmisdé, olache ai presentarà sües inrescides y sü resultać sön la viticoltöra biologica, danter l’ater inće sön l’anuzamënt de ram tl’agricoltöra biologica y sön i tratamënć cuntra la „peronospora“ („Falscher Mehltau“).
Tl domisdé gnaràl pité de plü vijites acompagnades tl Zënter de Sperimentaziun dla Laimburg, olache i esperć spligarà i resultać dla sperimentaziun sön la coltivaziun di terać y sön le sterne coltöra.
Les döes manifetsaziuns d’informaziun é preodüdes por
en jöbia, ai 7 de agost
dales 9 ales 12 (viticoltöra)
tla sënta dla Fondaziun Mach a San Michael sön l’Adige
y daldô
dales 14 ales 17 (coltivaziun de ordöra)
tla sënta dl Zënter de Sperimentaziun dla Laimburg
a Vadena/Pfatten
Atenziun: Por gaujia de laûrs sön le punt dl’A22 a Vadena/Pfatten, él ma poscibl da arjunje le Zënter dla Laimburg tres Kaltern y Auer.
USP
