Atualità
Citybus: sorvisc aposta por la festa dla cité de Porsenù
En ocajiun dla festa dla cité vedla (Altstadtfest) de Porsenù la proscima fin dl’edema dai 22 ai 24 de agost vëgnel organisé n sorvisc de trasport aposta da y por Porsenù dales localitês dlungia la cité.
Düć i vijitadus y i colaboradus dla festa à insciö la poscibilité da arjunje les localitês de Vahrn, Neustift, Milland, Sarns y Albeins cun les linies 1 y 3 – che passa vigni trënta menüć - inće tratan la sëra. Dales 01.10 él preodü l’ultimo iade dl dé da Porsenù ćina Elvas, Latzfons y St. Andrä.
Le prisc por un n iade cun le Citybus (fora dl orar regolar) tratan la festa dla cité é de 2,50 euro (an po inće paié cun le Südtirol Pass). Al é inće poscibl da cumprè na cherta por döt le dé che costa 4 euro y che an po adorè por n numer ilimité de iadi. Les chertes po gnì cumprades bele da incö inant pro la bancarela d’informaziun dla manifestaziun che é da ciafè sön la plaza Sant'Erard a Porsenù.
Al vëgn conscidrà sciöche iadi extra (cun i prisc elencà dessura) düć i iadi adinfora dl orar regolar, chël ô dì düć i iadi dla linia 1 do les 20.00, düć i iadi dla linia 3 do les 19.40 (vëndres), do les 14 (sabeda) y de döta la domënia, sciöche i iadi a Elvas, Latzfons y Sant’Andrea.
rc
