Atualità
“War is Hell”: Le proiet cultural vëgn presentè ai 25 de merz a La Ila
En mercui ai 25/03 dales 11:40 y dales 20:00 gnaral presentè sön paladina dala pröma y la secunda tlassa dl lizeum linguistich da La Ila le resultat de n proiet cultural metü da jì dala Repartiziun Cultura y Intendënza Ladina y coordinè da Erika Castlunger. Les tlasses à laurè sö i aspeć desvalies dla vera en ocajiun dl aniversar dl scomënciamënt dla pröma vera mondiala.
Tratan l’ann de scora 2014/15 à la Repartiziun Cultura y Intendënza Ladina metü a jí n proiet de teater coordiné da Erika Castlunger y che é gnü metü da jì en ocajiun dl aniversar dl scomënciamënt dla pröma vera mondiala. La tragedia dla pröma vera dess ester n’ocajun por fà ponsè do ales conseguënzes che na vera à sön la sozieté y sön le teritore. L’obietif dl proiet é stè chël da se dè jö cun la “vera” y söes conseguënzes y laurè fora te na forma teatrala chësta tematica. Les tematiches, che à da n’un fà cun la vera é desvalies: cares é pa les conseguënzes psicologiches, co se müda pa la porsona, co se müda pa l’ambiënt, ći sozedel pa cun les families y les genaraziuns che vëgn do ca?
Sön chësta tematica à lauré en spezifich la pröma y la secunda tlassa dl lizeum linguistich y dles sciënzes umanes da La Ila, che porta sön paladina le teater "War is Hell"
en mercui, ai 25 de merz
dales 11:40 y dales 20:00
tla Ciasa dla Cultura
a La Ila.
Düć i interessà y i rapresentanć di media é dër bel invià a to pert ala manifestaziun culturala.
Atres scores, che á tut pert al proiet é sté: la scora mesana da San Martin de Tor, che cun la 2. tlassa à dantadöt lauré sön le respet dl ater; la scora mesana da Al Plan de Mareo, ulache al é gnü laoré fora scenes cörtes de conflic danter cumpagns y la scora mesana da Sëlva, olache na secunda tlassa laurarà sön l'educaziun ala pesc, lauran fora n teater sura la biografia de Malala.
L'invit é gnü injuntè.
rc
