Atualità
Ai 27 d’aurí presentaziun dla campagna por la donaziun d’organs
La donaziun de organs é na tematica sensibla che se damana de n’informaziun prezisa por motivé i zitadins da detlaré süa aprovaziun por daidé paziënc che á debojëgn de n traplant. Deache i tëmps de speta é aumentá l'ann passé tl Südtirol él gnü metü da jí la campagna de sensibilisaziun „Spende Leden – Dona vita“ por informé i zitadins y che gnará presentada ai 17/04 a Balsan.
80 é stá i paziënc che ê tl ann passé sön la lista de speta por la donaziun de n’organ, 20 é stá i organs che é gnüs scincá por n traplant. „La donaziun de n organ é gonot l’ultima poscibilité por i paziënc por podëi mët man na secunda vita“, sotlignëia l’assessuria por la sanité Martha Stocker.
I zitadins pó detlaré atualmënter süa aprovaziun ala donaziun di organs tles sëntes di raiuns sozio-sanitars, dal dotur dl comun/paisc y pro l’organisaziun de donadus volontars AIDO. Tres la colaboraziun cun le Consorz di Comuns dl Südtirol sarál poscibl, da sëgn inant, da dé jö l’aprovaziun ala donaziun ince tles Ciases di Comuns en gaujiun dl renovamënt dla Cherta d’identité. Por sensibilisé i zitadins sön chësta tematica él la Provinzia che mët da jí na campagna de presentaziun dal titul „Spende Leben – Dona vita“ (Scinca vita) che gnará presentada
en lönesc, ai 27 de aurí
dales 12:00
tla cuinta alzada
dla sënta dl raiun sanitar
plaza „W.-A.- Loew Cadonna 12"
a Balsan
dal presidënt dla Provinzia Arno Kompatscher, dal’assessuria por la sanité Martha Stocker, dal presidënt dl Consorz di Comuns y dal sportif de suzes Armin Zöggeler.
rc
