Atualità
Lukas Madersbacher prejentea si liber nuef sun Michael Pacher
La biblioteca provinziela "Dr. Friedrich Teßmann" a Bulsan urganisea n mierculdi, ai 27 de mei dala 20 da sëira la prejentazion dl liber nuef dl prufessëur de università Lukas Madersbacher sun l pitëur y scultëur Michael Pacher.
L pitëur y scultëur Michael Pacher (za. 1435–1498) tol ite na posizion particulera tla storia dl’ert europeica. Da una pert vën si gran auteresc a eles – sciche chël de Sankt Wolfgang pra l lech de Sankt Wolfgang tl Oberösterreich – cunscidrei lëures de ezelënza dl gotich tardif. Dal’autra pert possa Pacher nce unì cunscidrà coche un di prim artisć dl renascimënt dl nord. N ucajion de na permanënza a Padua da jëunn àl mparà a cunëscer l’operes de Mantegna, Donatello, Uccello y Lippi. Sciche degun auter artist dedora dala Talia se àl fat siei i cunzec nueves dla pruspetiva zentrela dl cheder. La tenscion danter i poi geografics y stilistics fej si lëures nteressanc, ma la à nce gaujà problems che l artist à cialà de ressolver cun soluzions scialdi inuvatives. Lukas Madersbacher prejentea cun tesć y imajes l’opera cumplessiva de Michael Pacher y fej n resumé dla nrescida nchin ncuei. Tres l’analisa di lëures cëlel nce de ti ruvé daujin al profil nteletuel dl artist che à vivù sun l lim dl renascimënt.
L liber " Michael Pacher” dl Univ.-Prof. Dr. Lukas Madersbacher (Università de Dispruch) unirà prejentà urganisea
n mierculdi, ai 27 de mei
dala 20 da sëira
tla biblioteca provinziela "Dr. Friedrich Teßmann"
A.-Diaz-Str. 8 a Bulsan.
La prejentazion a Bulsan ie unida a se l dé tres na cunlaurazion danter la biblioteca Tessmann n cunlaurazion cun l editor Athesia. La sënta dla biblioteca “Friedrich Teßmann” ie tla streda Armando-Diaz 8 a Bulsan, tel. 0471 471814, adres internet: http://www.tessmann.it/la/home.html.
usp
Galaria dales fotografies
