Atualità
Ejam da iagher: iscriziuns online cina la fin d’agost
Da inier (17 d’agost) cina la fin d’agost sarál poscibl da dé jö les domandes por fá l’ejam da iagher tla perioda da d’altonn. Les iscriziuns pó gní fates cun la Cherta di sorvisc sön la plata internet dla Rëi Zivica dl Südtirol.
Por podëi jí a ciacia él nezesciar da avëi l’abilitaziun da eserzité l’ativité da iagher, che vëgn conzedüda do avëi passé l’ejam da iagher. L’ejam é partí sö te n test de teoria y da stlopeté. Tratan la pert teorica vëgnel ejaminé les conescënzes sön la vegetaziun salvaria, la lege sön i iagri, les ermes, la sconanza dla natöra, i cians da ciacia y les tradiziuns di iagri. Daldô gnarál spo tigní n test da stlopeté.L’ejam de teoria da iagher gnará tigní a Balsan dai 13 ai 21 d’otober y les iscriziuns pó gní fates cina la fin d’agost online sön la plata dla Rëi Zivica adöm cun la cherta di sorvisc. Proscimamënter sarál ince poscibl da fá la domanda por la proa da stlopeté sön internet.
Implü pon ince damané do online la tessera da iagher che é nezesciara por i iagri residënc te Südtirol y che ó eserzité l’ativité da iagher aldinfora dl raiun provinzial.
Le formular dl’iscriziun al ejame da iagher é da ciafé sot a: https://oforms.egov.bz.it/orbeon/fr/ufficio_32_4/OPENF_0000004_gesuch_zulassung_jaegerpruefung_theorie/new?fr-language=it
Le formular por damané do la tessera da iagher pon ciafé tlican sön: https://oforms.egov.bz.it/orbeon/fr/ufficio_32_4/OPENF_0000006_ausstellung_jagdausweis/new?fr-language=it
rc
