Atualità
Dala Junta: test de lege te n ”lingaz saurí“ por porsones cun handicap
La lege provinziala nöia sön la partezipaziun y l’inclujiun dles porsones cun handicap á le fin da tó ite les porsones interessades deplü tla vita soziala. La junta provinziala á aprové incö, a öna cun chësc prinzip, le test de lege te n “lingaz saurí”.
Renforzamënt dl’autonomia y dla responsabilité personala, partezipaziun ala sozieté y familia, avalianza dles chances y azessibilité: é i obietifs dla lege provinziala sön la partezipaziun y l’inclujiun dles porsones cun handicap aprovada de messé. Por ti conzede ales porsone diretamënter interessades, dantadöt a chëres cun dificoltés d’ aprendimënt, da gní informades sön les desposiziuns nöies, á la junta provinziala aprové incö le test de lege elaboré te n “lingaz saurí”.
Le proiet rapresentëia na novité por le Südtirol y ince a livel internazional n’él nia gnü fat tröpes elaboraziuns y traduziuns de tesć de lege te n lingaz saurí. Les porsones cun handicap y cun dificoltés d‘aprendimënt á le dërt da gní informades te n lingaz da capí, sotrissëia l’assessuria por les politiches soziales Martha Stocker. Sovënz él avisa ti tesć iuridics y ofiziai tröpes parores tecniches y frases complicades, tan che nia ma les porsones cun difcoltés de comprenjiun se stënta mo tröc zitadins. L’assessuria Stocker rengrazia le grup People First Alto Adige y la Lebenshilfe por avëi colaboré al proiet.
OSP
