Atualità
Preodüda por insnöt la daurida dla Strada statala 12
La strada statala dl Prener a nord de Balsan gnará plüssigü daurida incö da sëra (22/09), n de dan le termin preodü. La sarada dla strada jô debojëgn por efetué n valgügn intervënc de prescia y de metüda en segurëza dla strada.
Por gaujia dl prigo de tomada de peres ê la strada statala dl Prener gnüda sarada püch do Balsan tla direziun de Tlüses por döt le trafich te trames döes les direziuns. Al jô debojëgn da efetué de piceres esplojiuns por tó demez peres che ess podü tomé sön strada. Por le momënt vëgnel porté demez döt le material tomé jö y por les 17.30 él preodü n suralüch da pert dl geologh provinzial por valuté sce la strada pó gní daurida ciamó incö da sëra.
Tratan la dorada dla stlüta é döt le trafich gnü sposté sön l’autostrada dl Prener: dala sortida da Balsan nord cina Tlüses ne á i autisć nia messü paié le daz por l’autostrada y i cosć é gnüs surantuc dala Provinzia. L’assessur por la mobilité Florian Mussner á ince presenté n valgönes zifres sön le passaje di veicui: dala stlüta dla strada statala ai 18 de setëmber cina la sëra dl 20 de setëmber él passé indöt sön l’autostrada danter Balsan Nord y Tlüses te trames les direziuns indöt zirca 17.700 veicui, che porta para le paiamënt complessif de 34 mile euro da pert dla Provinzia.
Imajes y intervistes audio
Video pericul dla tomada de peres sön la starda statala dl Prener (cört) - http://we.tl/pXwNmX4tHb
Video pericul dla tomada de peres sön la starda statala dl Prener (lunch) - http://we.tl/qlEoGDRAN1
Intervista geologh provinzial Mair - http://we.tl/wLQ35v1Lud
FILE MP3 (audio)
Intervista geologh provinzial Mair - http://we.tl/ZTXJ0UrhUx
rc
