Atualità
Comerz: presentaziun dl’aziënda speziala danter BLS, EOS, SMG y TIS
Dal 2016 inant sarál ativa tl Südtirol n’aziënda speziala nöia nasciüda dala fujiun danter les cater organisaziuns locales che pita sorvisc tl ciamp dl comerz: BLS, EOS, SMG y TIS. L’aziënda nöia gnará presentada en vëndres ai 23 d’otober a Balsan en presënza dl presidënt dla Provinzia Arno Kompatscher.
Dal 1 de jená dl 2016 inant gnará le comerz südtirolej sostigní da n’aziënda speziala nöia, che laurará sciöche fujina d’idees por les impreses locales y por fá aldinfora dl Südtirol na paladina economica ciamó plü competitiva. L’aziënda nöia nasciüda dala fujiun strategica dales cater organisaziuns locales de sorvisc tl setur dl comerz: Business Location Südtirol-Alto Adige (BLS), organisaziun Export Südtirol (EOS), Südtirol Marketing (SMG) y TIS Innovation Park.
La Provinzia autonoma de Balsan y dla Ciamena de comerz presentará l’aziënda nöia, l’inom, l’orientamënt strategich y la strotöra organisativa te na conferënza stampa a Balsan
en vëndres ai 23 d’otober
dales 10.30
tl Hotel Four Points Sheraton
tla strada via Buozzi 35.
Al sará presënc le presidënt dla Provinzia Arno Kompatscher, le presidënt dla Ciamena de comerz Michl Ebner, Hansjörg Prast, diretur general dl’aziënda speziala nöia y suranstanc designá tl’aziënda speziala Huber Hofer, Marco Pappalardo, Markus Walder y Andrea Zabini.
rc
