Atualità
Dala Jonta: proiet de recostruzion dla Schwarzensteinhütte
La Jonta provinziela à apurvà na ntegrazion al proiet per la recostruzion dla Schwarzensteinhütte tl Ahrntal.
Danter i ntervënc de njonta iel nce preudù la realisazion de na luegia per l’abineda dl refudam y de tofles per la sosta da mont y per i percursc di troies. Tl scumenciamënt d’auril à la Jonta provinziela apurvà l program d’esecuzion di lëures de costruzion preudui nchin dl 2017 prejentà dal assessëur Christian Tommasini. Chësc program ajurnea la planificazion de de plu ani. Danter i lëures che vën iust stluc ju iel la recostruzion dla “Schwarzensteinhütte” tl Ahrntal a 3000 metri cun 50 lueges da durmì.
Ncuei (19/04) à la Jonta provinziela apurvà na ntegrazion al proiet dla sosta per garantì n valgun lëures y aredamënc che ie de bujën. I ntervënc reverda danter l auter la compra de madroc che ne se mpëia nia, la costruzion de n tiac per la lënia y la realisazion de na luegia d’abineda dl refudam sciche nce de n deposit de segurëza alalergia.
La delibera vëij nce danora l finanziamënt per la realisazion de tofles che reverda la sosta nstëssa y i percursc di troies cun ndicazions geografiches y storiches dl raion.
USP
