Atualità
Concurs por tecnics de laboratore
La Provinzia á publiché n concurs publich por dui posć de tecnich de laboratore te döes scores talianes. Les domandes pó gní dades jö cina ai 26 d’agost.
La Provinzia chir dui tecnics de laboratore de scora - setur chimica y fisica - por l’istitut de secundo degré por les sciënzes, les tecnologies y i sorvisc "Galilei" y por le lizeum scientifich "Torricelli" cun sënta de sorvisc a Balsan. L’assunziun é a tëmp indeterminé cun laur a tëmp plëgn (38 ores al’edema).
I recuisic d’azes al concurs publich é l'ejam de Stat (ex maturité) y l'atestat de bilinguism B. I posć é resservá al grup linguistich talian. Al concurs pó ma tó pert porsones che fej pert dl grup linguistich talian o ladin.
Les domandes d’amisciun al concurs ti mëss gní dades jö ala Provinzia de Balsan, Ofize Assunziuns personal, 39100 Balsan, strada Renon 13, cina les 12 di 26 d’agost dl 2016. Les porsones interessades pó damané do informaziuns tl Ofize Assunziuns personal, Karin.Steger@provincia.bz.it o cherdé sö le numer de telefon 0471 412105. Detais él ince da ciafé sön le sit web www.provincia.bz.it/personale/temi/concorsi.asp.
usp
