Atualità
La strada danter Pontives y Pruca é indô daverta
Do la tomada de material sön strada â la strada statala 242 danter Pontives y Pruca messü gní stlüta inier domënia da sëra, sëgn é la strada indô daverta.
Do le temporal da inier da sëra, domënia ai 4 de setëmber, él tomé 25 metri cubic de material sön strada dessot dala localité Tanirz tl Comun de Laion tles vijinanzes dl implant idroleletrich söla strada provinziala SS242 danter Pontives y Pruca. Por gaujes de segurëza y por podëi scomencé cun i laurs da romëne sö á la strada messü gní sarada completamënter por le trafich. „Tratan le danmisdé sun stá bugn da stlü jö i laurs por mëte indô a post la strada y al é ince sté meso da fá i controi nezesciars cun i geologs,“ spliga Valter Molon, le diretur dl Sorvisc Strades Salten – Scilier. Porchël án indô podü daurí la strada dales 11.00 inant.
rc
