Atualità
Chino y Cultura: Sëira de film cun cërces da dut l mond ai 10/11
“ Mustang“ ie l titul dl prim film che unirà mustrà ai 10 de nuvëmber tla scolina Salieta de Urtijëi. Spëises da dut l mond, da ciarcë. Ntreda debann.
L mond se à for mudà y ti ultim tëmps se mudel mo plu aslune. La persones se muev da n cuntinënt al auter y nëus union cunfrontei cun cultures nueves. Per purté pro a les capì y nes deriejer te chësc mudamënt mët l Departimënt Scola Ladina, la Comunità Raion Salten-Scilier y l Servisc Furmazion de Gherdëina adum cun la Butëiga dl Mond de Urtijëi na segonda sëira cun films, pitla descuscion y cërces de prodoc da dut l mond. Ntan la sëira n juebia, ai 10 de nuvëmber uniral mustrà l film “Mustang” che sará trata de na cuestion plu zitia y nia saurida ma che gëura na purtela sun n mond che possa nes fé tëma ma che pudon nce ntendër sce ti cialon plu daujin. La sëira vën meneda dala etnologa Hilde Strahl (per tudësch y talian) y ala fin aran la puscibltà, de gra ala culaborazion dla Butëiga dl mond, de ciarcë spëises da dut l mond.
Dutes y duc ie nviëi a unì tla scolina Salieta de Urtijëi a ti cialé al film “Mustang” en juebia
ai 10 de nuvëmber 2016,
dala 20:00,
tla scolina Salieta,
de Urtijëi.
Per deplù nfurmazions sun l film: http://www.imdb.com/title/tt3966404/
rc
