Atualità
Residënzes por seniors tl’Euregio, imparé un dal ater
Ince na pert dl personal dla Ciasa de Palsa de Urtijëi fej para al barat de esperiënzes al intern dles strotöres de döta l’Euregio. Incuntada incö a Desproch.
Indöt söporjö 20 colaboradësses y colaboradus che laora al intern dles residënzes por seniores á albü la poscibilité ti ultims mëisc da fá na perioda de barat formatif al intern de diesc strotöres presëntes sön döt le teritore dl Euregio. L’obietif dla scomenciadia é da imparé dales pratiches de laur tl setur dl’assistënza di seniors ti raiuns dl’Euregio y chësta tematica é ince stada tl zënter de n’incuntada incö ai 9 de novëmber a Desproch. La iniziativa é gnüda organisada dal’Euregio y dal’assoziaziun „ARGE Tiroler Altenheime“ en colaboraziun cun l’assoziaziuns dles residënzes por seniors dl Südtirol y dl Trentin. Al convëgn ál tut pert zirca 100 porsones che á albü l’oportunité da imparé da se conësce y da costruí na rëi de colaboraziun tres plü strënta. Por l’assessuria por la sanité Martha Stocker y por l’assessur dl Land Tirol Bernhard Tilg „s’ál svilupé da pert dl personal n gran entusiasm y á insciö ince consegurënzes positives por i seniors che sojornëia tles residënzes y ciases de palsa“.
Por ci che reverda le barat de personal él gnü stabilí che dui danter operadus soziosanitars y infermiers por vigni strotöra pó tó pert a chësta esperiënza formativa y che pó insciö lauré pro n’atra strotöra tl’Euregio. Indöt él sté diesc strotöres de döta l’Euregio che á fat para: tl Südtirol la Caisa de palsa de Urtijëi y chëra de Laives, la Fondaziun Ciasa de palsa de Santa Valburga y les aziëndes publiches de sorvisc ala porsona „Spirit Sant“ de Porsenú y Tlüses.
Contignüs audio y video
Video: https://we.tl/BC8I4If1Co
Imajes video: https://we.tl/c4F8ExnCf0
Intervista Petra Piazza, direturia dla Ciasa de Palsa de Urtijëi (ladin): https://we.tl/1tzJwfmOTN
Intervista Matthias Fink - Euregio: https://we.tl/ZDVa4nrkJO
Intervista Berhard Tilg -assessur Land Tirol: https://we.tl/SJYQ6SFKSj
Intervista Michael Haider - colaboradú S'ZENZI Zirl - Tirol: https://we.tl/IZobibG4bL
Intervista Robert Kaufmann - presidënt ARGE Ciases de Plasa dl Tirol: https://we.tl/INB8jlAoqD
Intervista Silvio Fedrigotti - diretur Departimënt Sanité TN: https://we.tl/A0zoHlFzxP
Intervista Moreno Broggi - presidënt U.P.I.P.A. TN: https://we.tl/wec8FdbE4N
Intervista Jessica Fischer - Ciasa de Palsa Laives: https://we.tl/kLjYoQEUc0
Intervista Norbert Bertignoll - presidënt VDS Südtirol: https://we.tl/rk3WxlLg27
Audio MP3: (Tilg - Fink - Piazza - Haider - Kaufmann - Fedrigotti - Broggi - Fischer - Bertignoll) https://we.tl/Pp6mb6xd2E
rc
