Atualità
Maestri y maestres de schi, i ejams sará tl mëis de merz
Les domandes por i ejams de idoneité por maestri y maestres de schi da paslunch, schi alpin y snowboard mëss gní dades jö cina ai 27 de forá.
Tles prömes edemes dl mëis de mert gnarál a se le dé les proes d’idoneité por i maestri dai schi alpin, snowboard y de paslunch. Düc i interessá mëss ortié sües domandes al’Area funziaonala Turism dla Provinzia alplü tert ai 27 de forá.
I ejams de pratica por i assistënc de scora de schi por le paslunch sará spo ai 13 de merz a Gsies, i ejams por le schi alpin sará dai 14 ai 16 de merz a Sextem y por le snowboard gnará i ejams tigní ai 17 y 18 de merz a Sanciana. Por plü informaziuns sön co se scrí ite ales proes prëibel contaté l’Area funzionala Turism dla Provinzia de Balsan, strada Raiffeisen, tel. 0471 413727. Le formular pó gní desciarié dala plata internet www.snowsport.bz.it tla seziun „interessati“.
usp
