Atualità
Repartiziun Dërt al Stüde chir n ispetur/ia ladin/a
La Repartiziun Dërt al Stüde chir n/na consulënt/a d’orientamënt ispetur/ia dl grup linguistich ladin.
La Repartiziun 40 Dërt al Stüde chir por l’Ofize orientamënt scolastich y profescional n/na consulënt/a d’orientamënt ispetur/ia dl grup linguistich ladin por curí n post a tëmp determiné a tëmp plëgn en sostituziun por maternité a Picolin y Bornech, cun scomenciamënt da atira (cina ai 08 de jügn dl 2017 – cun poscibilité da proroghé).
Les condiziuns por l’assunziun: portignënza al grup linguistich ladin, atestat de trilinguim A, contlujiun di stüdi d’université por almanco cater agn de Psicologia, Pedagogia y Sciënzes dl’educaziun. Al gnará spo ince tut en conscidraziun les lauree de pröm livel tles materies nominades.
I seturs de competënza la consulënza y informaziun por jogn y adulc, documentaziun, colaboraziun cun scores (orientamënt scolastich/profescional).
La candidatöra, cun en ajunta le curriculum vitae, mëss gní inviada cina ai 24 de forá dl 2017 al’aministraziun provinziala, Ofize Assunziuns personal, via Renon 13, tel. 0471/412102.
usp
