Atualità
Mostra CAR[D]O sön Ciastel Tirol: Daurida ai 17 de merz
Na mostra coletiva de ert figurativa y de lingaz sará da odëi sön Ciastel Tirol dai 17 de merz inant. L’assessur Mussner dauriará la mostra.
L’esposiziun CAR[D]O sön Ciastel Tirol sará n’esperiënza particolara por i vijitadus. La scrituria ladina Roberta Dapunt liará poesies, i artisć Lois Anvidalfarei y Gotthard Bonell presentará sües scultöres y sü chedri. Le „leitmotiv“ dla mostra sará la parora „Caro“, che vëgn dal latin y ó dí cern mo ince „Cardo“, ci che ó dí poresc dl üsc y ince argomënt. Al se trata insciö de na reflesciun figurativa y linguistica söl corp y sön la porsona. La mostra temporanea CAR[D]O gnará inaugurada dal assessur provinzial Florian Mussner
en vëndres ai 17 de merz dl 2017
dales 17.00
tl Museum storich-cultural de Ciastel Tirol
a Ciastel Tirol.
Do i salüc dl diretur dl Museum Leo Andergassen gnará a se le dé na introduziun ala mostra da pert dla scrituria Robert Dapunt cun n intervënt ince dla direturia dla Repartiziun Museums dla Provinzia Karin Dalla Torre. L’evënt gnará acompagné dales musighes de Marcello Fera.
USP
