Atualità
Domanda por le Südtirol Pass dai 15 de merz ma plü online
Dai 15 de merz ne gnarál nia plü azeté domandes sön papier por ci che reverda le Südtirol Pass. Mussner: „Insciö vëgnel scemplifiché l’aministraziun“
Dai 15 de merz inant podará la domanda por le Südtirol Pass ma plü gní fata te na manira eletronica tlican sön www.mobilitaaltoadige.info. De conseguënza ne gnarál nia plü azeté domandes sön papier. „Chësc é n ater vare inant tla direziun dla scemplificaziun di prozedimënc aministratifs cun sauridanzes ince por i zitadins y l’aministraziun provinziala“, sotlignëia l’assessur por la mobilité Florian Mussner. Prömes esperiënzes positives te chësc vers é bele gnüdes fates cun l’Abo+ por scolars y studënc.
„Plü de 9.500 zitadins á fat domanda l’ann passé por le Südtirol Pass cun tarifa normala o cun chëra por families. Bele pro chëstes domandes él sté la gran maioranza che á fat süa iscriziun online“, á splighé Mussner. Dala introduziun dl Südtirol Pass tl 2012 él gnü registré 190.000 chertes. Les domandes por n Südtirol Pass pó gní fates sön le sit www.mobilitaaltoadige.info
USP
