Atualità
Na sënta nöia por l'Istitut cultural ladin a San Martin - aprovaziun dl program dla lerch
L'Istitut cultural ladin "Micurà de Rü" a San Martin s'arjigna a ciafè na sënta nöia te n frabicat che la Provinzia ô realisé a San Martin de Tor, lerch ince por le sorvisc de formaziun cun n salf multimedial.
La Junta provinziala à aprovè te süa sentada da en lönesc sön proposta dl assessur ladin Florian Mussner le program dla lerch por n frabicat nü por l'Istitut cultural ladin "Micurà de Rü" a San Martin. I locai olache l'Istitut cultural é dötaurela é de proprieté dl Comun. Bele da n pez se damana le Comun da San Martin zoruch chësta lerch por ofizi de comun y locai por les scores. Indöt él gnü aprovè na lerch 4.940 m3 por la sënta nöia dl Istitut cultural ladin, por so archif y por locai por le sorvisc de formaziun che tëgn cursc por döta la valada. Do l'aprovaziun dl program planivolumetrich podaràl gnì dè l'inciaria de proietaziun. La sciazada di cosc' röia sön 2.353.000 Euro, zënza les spëises dl terac.USP
