Atualità
La streda dl Val Badia resta sareda
Usp - Per rejons de segurëza muessa la streda dla Val Badia resté sareda. N fej cont de pudëi inò la giaurì ntan la proscima ena.
La streda dla Val Badia muessa resté sareda. Nce sce n à fat dut l puscibl ne iel per rejons de segurëza nia puscibl giaurì la streda ntan chësc fin dl’ena, nscì la Ripartizion Provinziela per i Lëurs Publics. L seguré dl rone dlongia l tunel ulache l fova unit jù na smuëia sun streda ie stat plu rie che udù danora, per chësta rejon muëssen tenì la streda plu giut sareda. Mplù muessel unì metù a post l dann pra l terzo tunel. L ie udù dant de finé chisc lëurs per ncuei, vënderdi 23 de auril. L material purtà jù dala smuëia danter l sgondo y l terzo tunel ie sën bele rumà demez defin. Ntan la proscima ena fejen cont de pudëi giaurì la streda per la curieres y l muvimënt pesoch.USP
