Durnwalder y Mussner se anconta cun i rapresentanc dla Scola ladina
USP – La frabiches dla scoles, la riforma scolastica nueva y cuestions de personal dla Scola ladina ie stai i argumënc dl’ancunteda de ncuei mierculdi, 26 de mei, danter l presidënt Durnwalder y l assessëur Mussner cun i rapresentanc dla Scola ladina.
Durnwalder y Mussner à rujenà cun i rapresentanc dla scola ladinaN cont dla riforma dla scola iesen stai a una de ji inant n var al iede. Tla scola ladina dëssel unì metù man a nsenië la rujeneda nglëija tla cuarta elementera. Tl daunì ulëssen nce ti dé pëis al „portfolio“, l livel de cumpetënza da pert di sculeies. I rapresentanc dla scola ie dla minonga che duta la nuviteies muessa unides adatedes ala particularità dl model ladin de scola paritetica. Sëuraprò al seguré de na lingia de mëndri lëures pra la nfrastrutures scolastiches, à l presidënt dla Provinzia Durnwalder y l assessëur Mussner ncuei nce segurà che l unirà fat da nuef la scola auta „Raetia“, tla streda Cademia a Urtijëi. Bele da plu giut à chësta scola debujën de plu locai. Mplù, nscì l ntendënt Verra, ie aumenteda la cumpëida di sculeies. Nce la cësa per i studënc dëssa tosc unida frabicheda. „Chësta nfrastrutura ie de gran mpurtanza per la scoles autes de Gherdëina“, à lecurdà i rapresentanc dla scola ladina. Pra l’ancunteda iel nce unì rujenà de cuestions plu genenreles che à da nfé cun l personal de scola, dantaprima de garanzies per l personal che nsënia.
USP
Galaria dales fotografies
Durnwalder y Mussner à rujenà cun i rapresentanc dla scola ladina
