Atualità
Consulta nueva per l’ativiteies alpines
USP – Da permó àla Jonta provinziela numinà la consulta nueva per l’ativiteies alpines. Presidënt nuef de chësta consulta che à l duvier de dé cunsëies ala Jonta tl ciamp alpinistich y dl aiut ti crëps, ie l assessëur Thomas Widmann. Othmar Prinoth ie rapresentant nuef di Mëinacrëp y Mëinaschi.
La consulta ie metuda adum da 13 persones sciche l ie udù dant dala lege provinziela nr. 33 dl ann 1991. A cë de chësc cunsëi che se cruzià de to posizion sun cuestions alpines, Judacrëp y la suvenzions, ie l assessëur al turism Widmann. La ripartizion provinziela per l turism ie rapresenteda da Elisa Montali y la ripartizion per l ambiënt da Arthur Kammerer. La lies alpines y i Judacrëp ie inò rapresentei da Luis Vonmetz (AVS), Josef Hölzl (BRD) y da Lorenzo Zampatti y Franco Capraro (CAI). Nuef tla consulta ie Othmar Prinoth de Urtijëi sciche rapresentant da lia di Mëinacrëp y Mëinaschi deberieda cun Erich Gutgsell. I osc’ ie rapresentei da Gottfried Schgaguler, la lies per l turism da Erwin Lanzinger y i paures da Georg Mayr. Nuef ie nce Hugo Reider che à da permò tëut sù la ncëria de presidënt dla camera di maestri de schi. La consulta ie lieda al tëmp de legislatura y laurerà perchël per i proscimi cin ani. De lugio uniral fat la prima senteda dla consulta nueva per l’ativiteies alpines.USP
