Atualità
26 stieres stateles da garat
USP – Per i ufizes de suneria y pra l Cumisariat de Guviern iel unì scrit ora ndut 26 stieres. L ultim di per fé dumanda per chësta stieres ie l 23 de juni 2004.
Set stieres ie unides scrites ora per cumpetënc de rujeneda per i ufizies de suneria. Tlo vëniel damandà l studio de rujenedes fulestieres o na furmazion universitera te almanca una rujeneda fulestiera cun l ejam de bilinguism „A“. La medema cundizions ie damandedes per pudëi sëurantò una dla nuef stieres da tradutëur pra l Cumisariat de Guviern. Per la diesc stieres da culaburadëur aministratif tl Cumisariat de Guviern y tla sëntes destachedes dl’aministrazin dla segurëza publica vëniel fat n cuncors che se damanda l bilinguism „A“, l studio de dërt, scienzes dla politica o dl’economia, o n studio te na tel direzion. I trëi cuncorsc ie unic publichei tl Boletin dla Region nr. 19 dl 24 de mei 2004. La dumandes per fé pea i cuncorsc muessa unides dates jù nchin ai 23 de juni 2004 al Cumisariat de Guviern, l ufize per l personal dl’aministrazion statela tla streda Fagen 31, 39100 Bulsan. Per la dumandes y i documënc da junté prò ne iel nia debujën de na marca da bol. Per dumandes plu avisa possen to su cuntat cun l zënter mediazion de lëur a Bulsan, cherdan su Michaela Rotter (tel. 0471-412 741) danter la 9.00 y la 12.00 o scenò cialan tl internet sota www.provinz.bz.it/arbeitsboerseUSP
