Atualità
Resultac dla veles dl Parlamënt dl’Europa tl’internet
USP – Nsci sciche la ie stata pra la veles provinzieles d’autonn ie la nfurmazions y i resultac dla veles dl Parlamënt dl’Europa da pudëi liejer do tla plates provinzieles tl internet www.provinz.bz.it. La coordinazion de chësc servisc vën nce chëst iede cureda dala Südtiroler Informatik AG.
Per la veles dl Parlamënt dl’Europa ntan chësc fin dl’ena pieta la plates provinzieles tl internet www.provinz.bz.it nfurmazions atueles. Ntan la sada y dumënia vëniel for inò dat la nfurmazions sun l’afluënza ala veles. Canche l unirà pona stlut la sëntes de vela n dumënia sëira, sëurantuleran for inò i resultac dal Cumisariat dl Guviern per pudëi i publiché tl internet. A chësta maniera posa duc interessei cialé man man tan te stimes che à giapà la liestes y tan de stimes de preferënza che l ti ie unì dat ai candidac. Sëuraprò possen nce udëi la tendënzes de chësta vela ti raions y ti chemuns, paredlan i resultac dl Parlamënt dl’Europa dal ultimo iede. Cun chertes tl Südtirol uniral nchinamei rapresentà la tendënza dla veles a na maniera grafica.USP
