Atualità

Trafich | 21.06.2004 | 08:49

Co che n fej la patent dl motorin

USP – Jëuni possa fé la patent per l motorin tres la scola, te na scola dl avisé o sciche privatist. Per almanca 20 nteressei, vëniel metu sù na cumiscion de ejam dal Ufize provinziel per la patent.

Truep jëuni ne ie nia passei l ejam de patent per l motorin tla scoles autes dla Provinzia y ulëssa śën fé mo n iede l ejam. L Ufize provinziel per la patent fej perchël al savëi che la scoles nteressedes possa se damandé cumiscions nueves per l ejam de patent per motorins, sce l ie almanca 20 nteressei a fé l ejam. I cadidac muessa fé na dumanda nueva y dla trëi docmentazions de paiamënt dl prim ejam, possel me plu unì tëut che chëla di 10,33 Euro. Sëuraprò muessel mo n iede unì paià ite la medema soma sun l conto 4028 y nce sun l conto 401398. Pra la dumanda de amiscion al ejam muessel unì junta prò l attestat dl curs de preparazion, na copia dla cherta de identità dl genitore che à sotscrì la dumanda, na copia dla cherta de identità dl sculé, la trëi documentazions de paiamënt y na copia dla prima plata dla dumanda de amiscion al ejam.

I nteressei possa nce dé jù la dumanda cun la documentazions ti ufizies per la patent a Bulsan, tla streda Crispi 10, Cësa dla Provinzia 3B. I dis per dé jù la dumanda ie l lunesc, merdi, mierculdi y vënderdi dala 9 nchin la 12 y de juebia dala 8.30 nchin ala 13.00 y pona domesdi dala 14.30 nchin ala 17.30. N’autra puscibltà ie nce chëla de fé la patent per l motorin te na scola de avisé, che se cruzia pona nce la cuestions burocratiches.

L dipartimënt per l trasport à dat ora da nuef l cudejel sun l’educazion sun streda. L cudejel dal titul "Mit Verantwortung unterwegs" sarà proscimamënter da giapé tla butëighes dai libri y tl dipartimënt per l trasport a Bulsan. Chëi che ulessa bele śën se njenië per l ejam, possa se mpresté l material de nfurmazion y l cudejel tla scoles autes.

USP

Galaria dales fotografies