Atualità
Tlausura sun l’economia te Gherdëina
USP – De sustëni y regulamentazion dl’economia tratova n di de tlausura tenì te Gherdëina dal Assessëur provinziel al’economia Werner Frick y i dirijënc dl Assessorat per l’Economia y Finanzes. Per d’autonn ulëssen bele pruté dant de plu prupostes de lege.
Pra l di de tlausura se tratovla dantaldut de doi ponc prinzipei: l lauré ora da nuef l sustëni al’economia y la lege che regulamentea i singuli ciamps dl’economia. „On analisà la pertes negatives dl sustëni sun n tëmp plu lonch y l resultat unirà ntergà tl lauré ora di criteries nueves per l sustëni dl’economia“ dij l assessëur Frick. Tl sustëni al’economia uelen tl daunì nce ti de plù pëis al ciamp di servijes. A chësta maniera tenien cont dl ciamp che ie tl lëur de crëscer ti dajan nce plu valor, nsci Werner Frick. L fin prinzipel tla riforma dla lege de regulamentazion ie aldò dl assessëur Frick l autonomia di ciamps economics tres na lege che fej na definzion nueva dl artejanat, dla ndustria y di servijes. Canche n avrà la prupostes dan man uniral metù a ji consultazions cun la lies profesciuneles. L lauré ora da nuef di criteries per l sustëni ti singuli ciamps dl’economia, ie na pert dl program de coalizion per chësc tëmp de legislaturaUSP
