Atualità
Dumandes per n lëur tla Provinzia a tëmp determinà nchin ai 15 de setëmber
USP – Nteressei a n lëur a tëmp determinà tla Provinzia de Bulsan, à mo dl’aurela nchin ai 15 de setëmber per de jù la dumanda. La cundizion che n venie tëui su tla graduatories dla defrënta ncëries ie la dumanda scrita.
Nchin ai 15 de setëmber 2004 possen fé dumanda tl Ufize provinziel per l personal, tla streda Renon 13, per unì tëui su tla graduatories dla ncëries provinzieles. La se trata de ncëries da fant de scola, per puzené i locai, assistënc de secretariat, ispetëures amnistratives y auter. Ai prim de nuvëmbr uniral pona per l’ultim iede fat la graduatories per la ncëries da verdian, laurant, telefonist y culaburadëur aministratif. Nteressei a unì tëui su tla graduatories possa desciarië i formulares dal internet sota la pltata www.provinz.bz.it/personal/bewerbungen_rangordnung.htm. I formulares per fé dumanda ie scenò nce da giapé tl Ufize provinziel per l personal ulache n possa nce nrescì nfurmazions plu avisa y mo d’autra cundizions per unì tëui sù. L numer de telefonn dl ufize ie l 0471-41 22 44 o scenò 0471-41 21 92.USP
