Atualità
La Ripartizion per l turism mët man cun n proiet europeich
USP - „SiTaR – Sustainability in Tourism and Resourcemanagement“ se tlama l proiet nuef dla UE, che la Ripartizion proviziela per l turism porta inant deberieda cun l Burgenland dl Austria, l Landkreis Waldeck-Frankenberg (Deutschland) y „West-Pannon Development Agency“ dla Transdanubia dl ovest tl Ungarn. Duc i nteressei a chësc proiet possa n mierculidi ai 8 de setëmber 2004 passé tla cësa provinziela „Palais Widmann“ a Bulsan per nrescì velch de plù.
N turism che va inant tl tëmp y n bon mangement dla risorses ie l zënter dl nteres pra l proiet Interreg III C „SiTaR“. L tol ite ciamps sciche l turism de sanità, turism de cultura y ecologia, ma nce l management dla risorses cun l energia che se lascia renuvé y risorses che crësc do sciche portadëures de energia y l tratamënt dl’eghes fosces. La istituzions che fej pert dl „SiTaR“ possa dé jù proiec inovatives che fej pert cun chisc ciamps. N cheder generel sun l proiet „SiTaR“ uniral dat pra na manifestazion de nfurmazion de n mierculdi ai 8 de setëmber 2004 da mesa la cater domesdi tla chëurt dla cësa provinziela „Palais Widmann“ a Bulsan. L coordinadëur dla proiet Heinrich Wedral per l Burgenland presenterà y meinerà tres la manifestazion de nfurmazion. Ti workshops uniral presentà y menà discuscins sun la defrënta scumënciadives. Tla regions che fej pea l proiet Südtirol, Burgenland, Waldeck-Frankenberg y la Transdanubia dl ovest uniral metù mpé grupes de lëur che purterà inant la ideies dl proiet. Duc i nteressei possa to pert ala manifestazion de n mierculdi che vën.USP
