Atualità
Bensé positif per doi proiec su Mont de Sëuc
USP – Danter i ndut 28 proiec che la Sgonda cumiscion per la defendura dl’ambient à tëut tres ntan chëst ena iel nce chëi dl purtoi „Florian“ y dl hotel Steger sun Mont Sëuc. Chisc doi proiec à giapà n bestè positif nscì sciche nce pra duc i autri proiec tëui tres, dij l presidënt dla cumiscion Adriano Oggiano.
Aldò dla Sgonda cumiscion provinziela per la defendura dl’ambient possa l purtoi „Florian“ sun Mont de Sëuc unì miurà. L proiet dat ite dala sozietà „Telecabina Florian GmbH“ vëija dant de plu mëdri lëures per splané l purtoi. Per chisc lëures se damanda la cumiscion na cuzion de 5.000 Euro. For sun Mont Sëuc possa nce unì ngrandì l hotel Steger. Nce te chësc cajo à la Sgonda cumiscion provinziela per la defendura dl’ambient dat n bënsté positf. „La se trata de ngrandì l toch che fova unì frabicà prò pra l hotel. Tlo iel nce unì damandà vel cundizions“, dij l presidënt dla cumiscion Oggiano. L proiet fova unì mandà ite ala Cumiscion dala „Hans & Paula Steger Stiftung ONLUS“.USP
