Atualità
Controi sön i contribuc culturai ladins
Sciöche preodü dala lege mëssel gnì fat controi sön i contribuc culturai conzedüs dala Provinzia. Le 6% di caji vëgn ciarà do plü avisa dal’aministraziun provinziala: chisc gnarà trac fora a caje ai 15 de dezëmber 2004 te na sentada publica.
Danter les porsones che à ciafè n contribut provinzial por l’ativitè tl ćiamp dla cultura ladina por l’ann 2003 gnaràl trat fora chi caji che gnarà ćiarà do plü avisa. Ai 15 de dezëmber 2004 dales nü danmisdé (9:00) tla sënta dla Repartiziun dla Cultura ladina a Balsan vëgnel tignì na sentada publica por trà fora le 6% di caji, aladô dl art. 2, coma 3 dla lege provinziala nr. 17 di 22 d’otober 1993. Le protocol dla sentada é a desposiziun de vignun tla sënta dla Repartiziun y sön domanda vëgnel inće menè fora por posta. La sentada vëgn tignida tl secundo partimënt dla Repartiziun dla Cultura ladina a Balsan, Bindergasse 29, local nr. 25.USP
