Atualità
Iscriziuns ales scores
L’Intendënza ladina lascia al savëi che les iscriziuns por les scores é indô davertes: l’ultimo terminn por se scrì ite ala scora elementara é ai 31 de jenà 2005, por la scora mesana ai 28 de forà 2005 y por les scores altes ai 31 de merz 2005.
I terminns por se scrì ite ales scores é odüs danfora da döes deliberaziuns dla Junta provinziala y plü avisa dala deliberaziun nr. 5161 di 29 de dezëmber 2000 y dala deliberaziun nr. 3634 di 13 d’otober 2003. Te chëst’ultima él preodü les iscriziuns ales scores elementares: por i mituns y les mitans che pëia ia a scora y che complësc i sis agn ćina ai 31 d’agost 2005 é le terminn d'iscriziun ai 31 de jenà 2005. Al po inće gnì scrit ite i mituns y les mitans che complësc i sis agn anter i 30 d’aurì dl pröm ann de scora. Por les scores mesanes é le terminn ai 28 de forà 2005 y por les scores altes ai 31 de merz 2005.USP
