Atualità
Dezijiun dla IIª Comisciun por la sconanza dla contrada
USP - La IIª Comisciun provinziala por la sconanza dla contrada à aprovè inier mertesc, ai 15 de forà 2005 la costruziun de na ütia da munt tl comun da San Martin de Tor tla Val Badia.
Tl Parch Natural Pöz-Odles pol gnì trat jö y fat sö danü dala „Vijinanza Seres-Mischi-Lungiarü“ la ütia da munt „Pozzes“. La IIª Comisciun provinziala por la sconanza dla contrada à aprovè le proiet. Tla ütia de presciapüch 30 metri cuadrać gnaràl fat fora na ćiasadafüch y inće döes ćiamenes por i famëis. "Deache la ütia fej pert dl raiun Natura 2000 ùn sambëgn dè dant prescriziuns” à sotrissé Adriano Oggiano, diretur dl Ofize provinzial por la sconanza dla contrada. Insciö messarà la fondamënta gnì fata de pera y le rest dl frabicat messarà gnì realisé cun lëgn. Al é inće preodü de fà le tët cun scianores.USP
