Atualità
L’implant a cabines „Piz de Plaies“ po gnì realisé
USP - La Comisciun competënta por la Valutaziun dl Dann Ambiental (VDA) à incö, mercui, ai 2 de merz, aprovè le proiet de realisaziun de n implant a cabines „Piz de Plaies“ a Al Plan de Mareo y San Martin de Tor.
La Comisciun (VDA) à dè so bëgnstè por la realisaziun de n implant a cabines da 8 posć cun aganciamënt automatich “Piz de Plaies” ti comuns de Mareo y San Martin de Tor. Cun chësc lift de na lunghëza de 683 metri déssel gnì remplazè i dui lifć a scagns “Piz de Plaies” y “Pedaga” che gnarà trać jö. L’implant a cabines nü à la capazité de portè a munt 2700 schiadus al’ora.USP
