Atualità
-
Mësa torona ai 9 d’aurí sön l'importanza de cultura y ert por la sozieté
En sabeda, ai 9 de aurí, gnarál metü a jí dales 10.30 tla sënta dla Biblioteca provinzala dla Teßmann na mësa torona sön la relevanza dla cultura y dl ert por la popolaziun dl Südtirol. La scomenciadia vëgn organisada adöm ala Lia di artisć dl Südtirol.
-
Dala Junta: ok al program trienal dles costruziuns
La Junta provinziala á aprové incö (ai 5 de aurí) le program d’esecuziun dles costruziuns publiches por i proscims trëi agn 2016 – 2018. Por l’ann atual él a desposiziun 47,4 miliuns de euro, tl 2017 sarál a desposiziun 46,7 miliuns y por le 2018 indöt 45,4 miliuns. I intervënc reverda danter l’ater scores, üties y strotöres soziosanitares.
-
Dala Junta: DURP ajorné por prestaziuns plü mirades
Les mudaziuns de n valgügn criters de valutaziun dl davagn tres la DURP, la „Detlaraziun Unificada de Davagn y Patrimone“ é gnüdes aproades incö (ai 05 de aurí) dala Junta provinziala. Cun i adatamënc gnarál garantí prestaziuns plü mirades y al gnará mioré ciamó deplü le sistem.
-
Dala Junta: lernerat ince por les porsones cun handicaps
Ince les porsones cun handicaps, maraties psichiches o cun problems de dependënza ará azes a n contrat regolar de lernerat tl contest dles mosöres de reabilitaziun dl laur por ciafé n atetst de na scora profescionala. I criters che reverda la formaziun aziendala é gnüs aprová incö (ai 5 de aurí) dala Junta provinziala.
-
Dala Junta: 150 posć por le sorvisc zivil volontar provinzial
Indöt 150 é i posć resservá ai jogn dai 18 ai 28 agn che ó tl 2016 fá na perioda de sorvisc zivil volontar provinzial. Les organisaziuns che é scrites ite tl register aposta é 58, la Junta provinziala á aprové incö, ai 05 de aurí, la bandida che ti consënt ales assoziaziuns y ai ënc da presenté sü proiec cina ai 10 de jügn.
-
No Credit, campagna nöia cun na vitima de n inzidënt cun le motor
„Cun 17 agn â mi monn por n momënt lascé da se rodé“, á cunté Doris, che á albü n inzidënt stradal te chël che ara á pordü na iama, incö (04/04) ala presentaziun dla campagna de sensibilisaziun nöia de No Credit tl Safety Park. Doris é ince la testimonial nöia dla campagna 2016. „Por mudé i comportamënc sön strada él nezesciar de tröc agn, porchël vá No Credit inant“, insciö l’assessur Mussner.
-
30 agn Archif provinzial: la pröma sëra de zelebraziun é stada n suzes
La seria de manifestaziuns por festejé i 30 agn dl Archif provinzial é gnüda inaugurada inier (ai 31/03) dal assessur provinzial Florian Mussner cun na sëra tl Palaz mercantil da Balsan. L’evënt é gnü dediché a Anton Melchior von Menz, mezen y gran protagonist dl svilup musical de Balsan.
-
Lecort a sn. Cristl Moroder dl assessëur ladin Florian Mussner
“Seniëur Cristl Moroder nes à cun la bibies ladines lascià n arpejon che merita gran unëur”, nsci lecorda l assessëur Mussner l pluan de La Ila Cristl Moroder, mort l ultima nuet tl’età de 92 ani. Moroder à dat ca si vita per la cura dl’anes sciche caplan, tl Johanneum a Dorf Tirol y pona a La Ila ulache l à laurà inant nce do la pension. Nsci nes resta n lecort per se avëi dedicà al proscimo.
-
De cumpetënza y respunsabltà: referat ai 04/04 tla Teßmann
La biblioteca provinziela "Dr. Friedrich Teßmann" de Bulsan urganisea n lunesc, ai 04 de auril 2016 dala 20 da sëira le referat “Troies de viers de na cultura dla rujeneda“ de Nina Janich, prufessëura per linguistica germanista tla Università tecnica de Darmstadt.
-
Contribuc ai pendolars, domandes online dai 5 de aurí
Da en mertesc ai 5 de aurí cina en jöbia ai 30 de jügn pó i pendolars presenté les domandes de contribut che reverda l’ann 2015. Sciöche bele sozedü ti ultims dui agn pó les domandes ma plü gní scrites fora online, „dantadöt – comentëia l’assessur Mussner – por smendrí la burocrazia y alisiré les prozedöres“.