Atualità
-
Dala Junta: la Provinzia contestëia les mosöres dla Direziun dles doganes
La Junta provinziala á indô contesté n provedimënt dl’Agenzia dles doganes che ne respetëia nia le Statut d’Autonomia y sües normes d’atuaziun. La Junta provinziala á insciö tut la dezijiun incö (12 de má) da fá recurs cuntra les mosöres stabilides dala Direziun dles doganes. Bele l’ann passé â le TAR azeté le recurs dla Provinzia.
-
Dala Junta: Consëi d’aministraziun nü por l’ABD Airport SPA
La Junta provinziala á definí incö (12 de má) i componënc nüs dl Consëi d’aministraziun dl ABD Airport Spa, na sozieté inhouse dla Provinzia che manajëia les infrastrotöres, i sorvisc y i implanc dl aeroport da Balsan. Sciöche presidënt nü dl CdA él gnü nominé Otmar Michaeler.
-
Theodor Rifesser sarà l cumisser dl Chemun de Urtijëi
La Jonta provinziela à numinà Theodor Rifesser cumisser dl Chemun de Urtijëi. Rifesser, ex diretëur dl Istitut pedagogich ladin y respunsabl dl Departimënt ladin dla Facultà de Scienzes dla furmazion dla ULB (Università Liedia de Bulsan), menerà l’aministrazion urdenera a Urtijëi nchin che l unirà tenì la lites nueves.
-
„Ëres informades“, la lista dles incuntades cina jügn
Dan la palsa da d’isté él ciamó preodü de plü incuntades tl contest dl program „Ëres informades“ cina ai pröms de jügn. Chësc proiet vëgn organisé dala Comisciun provinziala por l’avalianza dles oportunités y dal Sorvisc Ëres, adöm cun i Comuns, y á sciöche fin chël da pité informaziuns d’ütl y atuales por les ëres dl Südtirol. N’incuntada ince a La Val ai 3 de jügn.
-
Stocker: „La donaziun de sanch é n sëgn important de solidarieté“
L’assessuria provinziala por la sanité y les politiches soziales, Martha Stocker, á fat da püch na vijita ala sënta dl’Assoziaziun nazionala di volontars dl sanch (AVIS) tl ospedal da Balsan y á podü costaté le laur intensif che é gnü fat l’ann passé, tratan chël che al é gnü coiü adöm passa 7.900 donaziuns de sanch da 6.080 donadus.
-
Concursc dla Fondaziun UNESCO che reverda la geologia: premiaziun ai 18/05
En lönesc, ai 18 de má dl 2015 gnarál premié a Balsan dala Fondaziun UNESCO Dolomites i davagnadus dles döes bandides dl concurs dedicades ala geologia: le concurs scientifich „Pest por le miú laur de dotorat Lorenz Keim“ y le concurs d’idees „La geologia dles Dolomites – Stüde y proietaziun de n model geologich tl teritore dles Dolomites“.
-
Vire i parcs naturai d’isté: Codejel d’informaziun nü
Na seria de manifestaziuns, escursciuns, conferënzes y mostres por mitans y mituns: l’oferta di set parcs naturai dl Südtirol é dër ampla y interessanta ti mëisc da d’isté . Dötes les scomenciadies é gnüdes racoiüdes te n codejel nü dé fora dal Ofize parcs naturai, desponibl da sëgn inant.
-
Prejentazions dl diare de Filomena Prinoth-Moroder
L diare “Wenn doch endlich Frieden wäre!“ de Filomena Prinoth-Moroder vën prejentà ai 12 de mei dala 20.30 tla Cësa de Cultura a Urtijëi y ai 13 de mei dala 20.00 tla biblioteca Teßmann a Bulsan.
-
Edema mondiala dla segurëza sön strada -"Aumenté le sëns de responsabilité"
Les Naziuns Unides (UN) mët da jí dai 4 ai 10 de má l’edema dla segurëza sön strada cun le focus dantadöt sön la segurëza dles mitans y di mituns sön strada. „Tröc inzidënc podess gní evitá cun plü sëns de responsabilité, atenziun y n dërt comportamënt; dantadöt mëss i mituns gní sconá“, insciö l’assessur por la mobilité Florian Mussner.
-
Lites comunales 2015: Invit da jí a lité dl presidënt Kompatscher
Les zitadines y i zitadins dl Südtirol é inviades y inviá da jí a lité en chësta domënia, ai 10 de má, i aconsiadus y i ombolc de 109 comuns dla Provinzia dl Südtirol. Le presidënt dla Provinzia Arno Kompatscher inviëia düc i zitadins da adoré so dërt de lita: „Jí a lité ó dí rajoné para, dantadöt a livel comunal. Chi che ne vá nia a lité ti lascia la dezijiun sön le dagní ai atri.“
