Atualità
-
Unernanzes dl Tirol a 13 persunaliteies dl Südtirol
USP – Tl Ciastel Tirol iel (NCUEI) ai 16 de setëmber unì sëurandat uneranzes dl Lond Tirol a 42 persunaliteies. 13 crëujes de merit à giapà tei dl Südtirol, danter chisc nce trëi di luesc ladins. L mpëni che la persunaliteies à abù per la cumenanza ne ie nia velch da uni un, perchël ti vëniel iust te chisc tëmps dat mpurtanza cun la uneranzes.
-
Ok da Roma per l calënder de scola y furmazion di maestri
USP – L Guviern a Roma à azetà la lege provinziela dl’ena a cin dis per la scoles dl Südtirol y l minister al’istruzion Profumo à dat pro l decret per tenì i cursc de abilitazion per maestri tl’Università a Persenon. L assessëura Kasslatter Mur che à giapà la nutizies da Roma, valuteia chëstes sciche gran suzes.
-
Di dla Cultura Ladina: soluzions a descriminazions y cunëscer l’Autonomia dl Südtirol
USP – Do 40 ani de Autonomia nueva dla Provinzia de Bulsan se tratela de abiné soluzions a descriminazions sciche chëla che n ladin ne possa nia deventé vizepresidënt dla Provinzia. Pra l Di dla Cultura Ladina, (NCUEI) ai 14 de setëmber a Bulsan iel unì pità nfurmazion plu sota dl’Autonomia dl Südtirol dal pont de ududa ladin. Permez ai ladins de Trënt y de Belun se n sta chëi dl Südtirol miec y de chësc dëssa i zitadins nce tenì cont.
-
40 ani de Autonomia per la Provinzia de Bulsan
L 2012 ie l ann di anuei dl’Autonomia: dan 40 ani ie jit n drova l Statut de Autonomia nuef y dan 20 ani à l’Austria y la Talia sotscrì la fin dl stritoz per l Südtirol. La Provinzia de Bulsan pieta de plu ucajions per cunëscer miec l svilup che nosc raion à abù te chësc tëmp, la pusciblteies che pieta l’Autonomia y si mpurtanza per la cualità de vita. I anuei di 40 y di 20 ani vën leucuredei cun la merca 72:92:12.
-
Ai 16 de setëmber vëniel sëurandat la crëujes de merit dl Lond Tirol
USP – La crëujes de merit dl Lond Tirol vën chëst ann inò sëurandates tl Ciastel Tirol. I doi presidënc de provinzia Luis Durnwalder y Günther Platter fajerà n dumënia ai 16 de setëmber nce la uneranzes a 13 persunaliteies dl Südtirol.
-
Sëira de film y descuscion sun l Permafrost, ai 13 a S.Crestina
USP – N juebia ai 13 de setëmber vëniel te cësa de Chemun a Santa Crestina mustrà n film y tenì na descuscion per ti jì do ala dumanda sce l permafrost fej sauté la pizes. La sëira a ntreda debant se stiza sun analises che ie nce unides fates sun Mëisules.
-
Stat-Provinzia: paredlà cumpetënzes y custimënc
USP – La Provinzia tën tla tratatives cun l Stat sun si pruposta de tò ju custimënc al bilanz statel te chëla de sëurantò cumpetënzes. La zifres ie (NSËIRA) unides paredledes a Roma dai tecnics dla Provinzia y dl Stat.
-
85% ie passei i ejams da instà tla scoles autes ladines
USP – Tla cater scoles autes di luesc ladins ne à 68 sculeies nia finà via l ultimo ann de scola defin positivamënter y à d’instà mo pudù fé do n ejam de singula materies. Curt dan che scumencëssa l ann de scola nuef ie 85 percënt de chisc candidac passei l ejam da instà per pudëi passé tla proscima tlas.
-
Insigné ladin cun la storia dla scoresa ladina
USP – L’ofize “Inovaziun y consulënza” dl Departimënt educaziun y cultura ladina à publiché na unité didatica sön la storia dla scora ladina por insigné ladin tla cuarta y cuinta tlassa dla scora elementara.
-
Dala senteda dla Jonta provinziela dl 10 de setëmber
Do plu mënsc se gëura inò la tratatives danter Roma y Bulsan per l aiut a ressané la finanzes dl Stata tl respet dl’Autonomia. Ncuei, ai 10 de setëmber, iel la prima ancunteda a livel tecnich. La Jonta provinziela ie a una de n’acurdanza per l’aministrazion dla scoles de mujiga ladines. Ai nsenianc de scola vëniel cunzedù n pitl aumënt aldò di cuntrac coletives nueves. Per mplanc a gas bio vëniel inò dat cuntribuc ambientei, per i pendolares an messù fermé i cuntribuc. Chisc ie stai i argumënc zentrei dla senteda dla Jonta provinziela ai 10 de setëmber, che l presidënt dla Provinzia Luis Durnwalder à prejentà te cunferënza stampa riesc do la senteda.