Atualità

USP – Aldò dl ultimo pruvedimënt dl Stat per smendrì la prescion finanziera sun la Talia, tlamà “maxiemendamento”, messëssa la Provinzia de Bulsan fermé autri 49 milion de euro. La situazion muessa mo unì studieda plu a puntin.

USP - A S. Crestina puderal unì pità 400 liec turistics de plu. La Jonta provinziela de Bulsan à (NCUEI) ai 14 de nuvëmber azetà l cunzet de svilup turistich aldò.

USP – La Scola d’ert a Urtijëi ie dal 1872 cunesciuda per si gran tradizion. Cun la reforma dla scola auta ala chësta ann mudà inuem y se tlama sën Lizeum d’Ert. Che l ne ie nia me mudà l inuem ma che l nseniamënt ie unì adatà ai tëmps dajan majer pëis ala rujenedes, mantenian na gran pert pratica y juntan l nseniamënt de design, puderà uni un nstës jì a cialé: n juebia ai 17 de nuvëmber vëniel tenì n di dla porta davierta.

USP – Chisc dis vëgnel stlüt jö i laûrs sön le secundo tòch dla strada che condüj sö Rina. Chilò él en chësc ann gnü slarié la strada por ti pité plü segurëza ala jënt che passa. “Cun le rové de chësc lot é na bona pert dla strada deventada plü sigüda ince por corieres y camions che po insciö rové plü saurì sö Rina” spliga l’assessur Mussner.

USP – Testemunianza de leteratura ladina viva y descuscion sun la rujenedes de mendranza tla leteratura à pità la sëira dl 9 de nuvëmber (INIER) tl Hotel Laurin a Bulsan. Sun nvit dl Assessorat ala Cultura Ladina deberieda cun l Südtiroler Künstlerbund à Rut Bernardi liet ora de si ultima publicazion “Lirica y prosa da piz a cianton”, si antologia data ora te na culaburazion sëura la sëides ladines ora.

USP – N vënderdi ai 18 de nuvëmber unirà n ucajion dla giaurida dla mostra sun la ferata de Gherdëina te Sëlva, prejentà l catalogh de chësta mostra metuda a jì dal Museum Ladin. La prejentazion tl Tublà da Nives ie prugrameda per la sies da sëira.

USP – Te trëi mënsc scumëncia n tëmp nuef per l trasport publich tl Südtirol: dal 14 de fauré 2012 jirà n funzion l sistem nuef dla tarifes y l Südtirol Pass tulerà ite la luegia dl vedl abunamënt. L assessëur Thomas Widmann à (NCUEI) ai 10 de nuvëmber prejentà la nuviteies sorissan che cun la cherta nueva puderan furné cun curieres, ferates y furadoies publiches te dut l raion provinziel. L Südtriol Pass possa bele unì apustà dai 15 de nuvëmber (DUMAN) inant.

USP - Sustëni ala families cun davani mesan y ala firmes inuvatives: chisc ie i ponc zentrei dl bilanz de previjion 2012 y dla lege finanziaria che ie unida prejenteda (NCUEI) ai 9 de nuvëmber dal assessëur provinziel ala finanzes Roberto Bizzo.

USP – La Seconda Comisciun por la sconanza dla contrada à te süa sentada di 8 de dezëmber dè pro che la Gran Risa po gnì slariada te na ota.

USP - Cuntra les codes d’auti sön la strada de Puster – dantadöt i dis che i sciori röia adalerch y che ai s’un va – val debojëgn ince de mosöres tecniches y infrastrotorales. Insciö àn metü man incö (ai 7 de novëmber) da fà la terza striara sön la strada de Puster dan la entrada dla portina dl daz dl’austostrada a Vahrn.