Atualità

USP – Ala pruposta dla firma Leitner de fé la ferata dl Überetsch nchin a Bulsan à la Jonta provinziela ncuei (8 nuvëmber) dit de no. L proiet ne ie da pert la Provinzia nia mesun finanzië tla forma purteda dant.

USP – La Jonta provinziela de Bulsan à dat pro la regulamentazion nueva i montli da inviern. Danter mez nuvëmber y la fin de merz muessa i auti avëi montli da inviern o ciadëines. I mesuns pesoc muessa avëi a uni maniera avëi montli da inviern.

USP – Argumënt de gran pëis tla senteda dla Jonta provinziela fova ncuei (8 nuvëmber) la reforma dla scola auta. Davia che l ie mo truepa cuestions da stlarì a i assessëures ntant pudù traté la fundamëntes dla reforma per la scoles autes de rujeneda tudëscia. La reforma per la scoles autes ladines y talianes ie unida spënta.

USP – La pert taliana dl finanziamënt dl Tunel dl Prëner dëssa bele unì dat pro l’ena che vën. Nce la proietazion dl toch da ruvé permez al tunel danter Pruca y Franzensfeste dëssa unì nvià via. Chësta vijion à ncuei (5 nuvëmber) prejentà l cumisser per l tunel dl prëner, nciarià dal Guviern talian, Mauro Fabris al presidënt dla provinzia Luis Durnwalder.

USP - Tla scoles mesanes ladines ie unì fat n’evaluazion linguistica te chëla che l ie unì analisà la cumpetënza dla rujenedes di sculeies dla terza tlasses, la paredlan a sculeies de rujeneda tudëscia y taliana. I resultac laurei ora deberieda cun esperc dl’Università vën publichei te n pitl liber, te trëi rujenedes, che unirà prejentà n vënderdi ai 12 de nuvëmber tl’Università a Persenon.

USP – L curaje zevil ie argumënt dla cunferënza ai 8 de nuvëmber a S. Martin de Tor. Nviei ie duc i nteressei. La cunferënza ie metuda a jì dal Ufize provinziel per l’ëiles deberieda cun la Cunsulta provinziela per la valivanza di dërc.

USP – “Ti mustré ai jëuni co adurvé ala drëta maniera l fonin”: chësc sarà argumënt de n di de curs metù a jì dal Ufize provinziel per media audiovisuei. Referënt dl curs per nsenianc y educadëures ie Günther Laimer. Chësc curs vën pità ai 3 de dezëmber a Bulsan.

Chëst ena che vën, dai 8 ai 12 de nuvëmber, tën l aucat populer udienzes te de pu luesc. A S.Martin de Tor saral n vënderdi 12 de nuvëmber.

USP – A Toblach iel chisc dis unì metù man de lauré cun na stazion dal tëmp nueva. Chësta stazion fej pert de n program de ndut 34 stazions che l Servisc provinziel per l tëmp ie tl lëur de baraté ora.

USP - L gran orden de merit dla Provinzia de Bulsan ie ncuei (3 nuvëmber) unì sëurandat dal presidënt Luis Durnwalder al Intendant dl Bayrischer Rundfunk (BR) Thomas Gruber. „Ël ne à nia me cialà che l Südtirol sibe argumënt sun l BR y l ARD, Gruber à nce dat n gran sustëni acioche tla provinzia de Bulsan pudons udëi la televijion tudëscia“ à detlarà Durnwalder.