Atualità
-
Desgrazia tla Venuesta: vitimes dl Südtirol
USP – La nuef persones che à ncuei (12 auril) messù pierder la vita tla desgrazia cun la ferata ie dutes dla val Venuesta. Chësc à fat al savëi l Presidënt dla Provinzia Luis Durnwalder te na cunferënza stampa tl tert domesdì, n prejënza dl minister talian al trasport Altero Matteoli. Nce la persones che se à fat mel ie dla provinzia de Bulsan, me doi vën da oradecà.
-
Prim bilanz dla desgrazia dla ferata venuesta
USP – 9 morc, 7 che se à fat mel dassënn y 21 n pue’ manco: chësc ie l bilanz dla desgrazia dla ferata tla val Venuesta suzeduda ncuei (12 auril). Tosc do la 9 da duman iel danter Kastelbell y Latsch unit ju na smueia che à curì la ferata cun tiera y paltan. L Presidënt dla Provinzia y respunsabl dla Prutezion zevila à fat n prim cheder dla situazion.
-
Desgrazia tla Venuesta: cunduel dla Jonta provinziela
USP – La Jonta provinziela à tëut su cun desperazion la nutizia dla desgrazia dla ferata dla val Venuesta danter Kastelbell y Latsch. L presidënt Luis Durnwalder cun i assessëures Widmann y Theiner ie riesc furnei sun la luegia dla desgrazia: “la grupes de prim aiut ie per fertuna ruvedes riesc sun l post, l prim aiut de chëi che se à fat mel ie jit drët bën” à dit Durnwalder.
-
Desgrazia tla val Venuesta: cunferënza stampa dala 12.30 a Kastelbell
USP – Dala 12.30, uniral te na cunferënza stampa a Kastelbell cun l presidënt dla provinzia Durnwalder y l assessëur Widmann, fat l pont dla situazion y di ntervënc do che la ferata dla Val Venuesta ie jita sëura la scines ora.
-
Cunzerc dla Scoles de Mujiga scumëncia cun la Val Badia
USP – N mierculdi ai 14 de auril mët man i cunzerc per la fin dl ann dla scoles de mujiga dl Istitut per educazion musichela. L program de 150 manifestazions te duta la Provinzia scumëncia cun n cunzert dla Scola de Mujiga dla Val Badia.
-
Desgrazia tla val Venuesta: fermà la senteda dla Jonta provinziela
USP – Per via de na desgrazia dla ferata tla val Venuesta ie unì fermà la senteda dla Jonta provinziela. L Presidënt Luis Durnwalder y l assessëur Thomas Widmann ie furnei sun l post. La cunferënza stampa dla Jonta provinziela dala 12.30 ne unirà ncuei nia tenida.
-
Durnwalder y l diretëur dla Posta: proiet pilot
USP – L servisc dla posta tl Südtirol dëssa unì miurà, nce sce l se damanda mudazions fundamenteles tl’urganisazion, strutura y cumpetënza. Chësc ie unit ora dal’ancunteda de ncuei (8 auril) a Roma danter la Presidënt dla Provinzia Durnwalder y l diretëur dla Posta taliana Massimo Sarmi.
-
Teßmann: Astrid Kofler lî fora de so romann „Lebenskörner“
USP - Astrid Kofler lî fora de so romann „Lebenskörner“ ai 15 d’aurì dl 2010. La Biblioteca provinziala y la ciasa edituria Haymon inviëia a tó pert ala incuntada tla Teßmann.
-
Durnwalder a Roma per la sënta dla RAI de Bulsan
USP - Cun i respunsabli dla RAI à l Presidënt dla Provinzia Luis Durnwalder ncuei (8 auril) rujenà a Roma dla puscibltà de n finanziamënt dla RAI de Bulsan da pert dla Provinzia, dl daunì dla redazion ladina y de tò su de plu culaburadëures.
-
14% de plu iscrizions tla scoles autes ladines
USP – Per l ann de scola che vën se à tla scoles ladines scrit ite de plu sculeies permez al ann passà. La cumpëida de sculeies jirà de setëmber dantaprima su tla scoles autes ulache l sarà 51 sculeies de plu. “L aumënt tla scoles autes ie n sëni de crëta de viers dla scola ladina” sorissea l assessëur ladin Florian Mussner.