Atualità
-
Biblioteca Teßmann tol pert a „Bücherwelten im Waltherhaus“
Tl cheder dla mostra di libri de chësc ann „Bücherwelten im Waltherhaus“ vëgn la Biblioteca Provinziala rapresentada tres na lerch cun libri da ascutè.
-
Cuntribuc per la cultura ladina nchin ai 01. de fauré
USP – Per ativiteies cultureles, artisc’ o ativiteies de furmazion n generel ti ciamp dla cultura ladina possen nchin ai prim de fauré 2010 damandé cuntribuc dala Provinzia de Bulsan.
-
Ai 4 de fauré diploms per manager jëuni
USP – Sota l inuem JAM, che miena "Junior Assistant Manager" vëniel tla scola prufesciunela per l artejanat y ndustria a Bulsan pità na furmazion per manager jëuni. Do avëi fat 500 ëura de nseniamënt sëurandarà l presidënt dla provinzia Durnwalder ai 4 de fauré i diploms dla furmazion JAM.
-
Iscrizions ala scoles ladines nchin ai 1. de fauré
USP - Genitores possa mo nchin ai prim de fauré scrì ite si mutons y mutans ala scoles de ublianza per l ann de scola che vën. Davia che l 31 de jené ie de dumënia, vel l lunesc sciche ultimo di per la iscrizions ala scoles elementeres y mesanes tla valedes ladines. L’iscrizions ala scoles autes te Gherdëina y tla Val Badia possa unì fates nchin ai 31 de merz.
-
Families y cëses tl 2008
L’età media di jëuni sëura 18 ani che vif dai genitori ie auzeda a 28,2 ani (2007) permez ai 25,1 ani tl ann 1990. I mutons se n va plu tert da cësa permez ala mutans. I lëures de cësa y l’educazion di mëndri vën daniëura udui sciche cossa dl’ëiles. Tl ann 2006 iel di ëi danter 41 y 50 ani stat 8,4% che a damandà de sté ora dl lëur per paternità, di ëi danter 51 y 60 ani iel me stat 2,8%. La perzentuela de chëi che porta a cësa n davani ie pra i ëi cun 80% plu auta, permez al’ëiles cun 60%. Chëstes ie me n valguna dla nfurmazions che ie publichedes sun l cudejel „Haushalte in Südtirol“, dat ora chisc dis dai Istitut provinziel de statistica (ASTAT).
-
Di de lecort al Olocaust, Durnwalder: nseniamënt per l daunì
USP – 65 ani do la fin dl Olocaust ne possa nia sfanté l lecort al massacher di judieres, nemics militeres y politics ti lager nazisc’. “I testemonesc che à mussu fé pea chëi tëmps de grandiscimi patimënc vën do y do a mancë, ma si arpejon muessa unì tenida n vita” nsci l presidënt dla provinzia Durnwalder per l di de lecort al Olocaust (duman) ai 27 de jené.
-
Duné sanch uel dì salvé vites
USP – L assessëur provinziel ala sanità, l primar dl servisc de trasfujion y presidënc dl Avis à ncuei danmesdì (26 jené) nvià la populazion a duné sanch. Aldò dl program dl sanch iel tla provinzia de Bulsan chëst ann debujën de 26.000 uniteies de sanch. Davia che l bujën devënta for majer iel nce for inò debujën de dunadëures nueves.
-
Plu paiamënt per i ladins tla stieres publiches
USP – La njonta de paiamënt per adurvé la rujeneda ladina te stieres publiches che la Jonta provinziela à dat pro ncuei, 25 de jené, reverda i ladins che à l ejam de rujeneda. “A chësta maniera ulons sustenì duc i culaburadëures ladins tla Provinzia, valorisan tl medemo mumënt identità ladina” spiega l assessëur Florian Mussner.
-
Repartizion per la scola y cultura ladina resta ai 26 y 27 sareda
USP – I ufizies provinziei per la scola y cultura ladina ie n merdi y mierculdi 26 y 27 de jené 2010 sarei ntan dut l di.
-
Jonta provinziela: njonta per la stieres publiches ladines
USP – La Jonta provinziela de Bulsan à ncuei dat pro che culaburadëures dl’aministrazions publiches che adrova la rujeneda ladina dëssa giapé na njonta tl paiamënt. Tla senteda da ncuei (25 jené) ne à nia plu tëut pert l assessëura Barbara Repetto ajache la Suneria de cassazion à detlarà che la ne ëssa nia pudù se mëter sun lista per l Cunsëi provinziel.