Atualità
Retrospetiva de Otto Irsara tl Museum Ladin
USP - Les operes dl scultur ladin Otto Irsara da La Ila sarà da odëi tratan les edemes che vëgn tl Museum Ladin Ciastel de Tor a San Martin de Tor. Pro la inauguraziun dla mostra en vëndres, ai 24 de jügn saràl ince presënt l’assessur ala cultura ladina Florian Mussner.
Ćina al 1. d’agost 2005 podaràn odëi tl Museum Ladin Ćiastel de Tor na retrospetiva sön l’opera creativa dl artist Otto Irsara. Al gnarà metü fora cuadri y scoltöres dl artist ladin. La mostra gnarà daurida en vëndres dl'edema che vëgn dales 18.00 tl cheder de na picia festa abelida da poesies y da notes musicales. Pro la inauguraziun dla mostra saràl inće presënć l’assessur Mussner, le presidënt di Museums provinziai Bruno Hosp, so vize Heinrich Huber, l’ombolt dl comun de Badia Ugo Dorigo y le presidënt dl’EPL Iaco Rigo. La storica d’ert Danila Serafini presentarà le catalogh dles operes de Otto Irsara.I massmedia é dër bel invià
a tó pert ala daurida dla mostra
en vëndres, ai 24 de jügn dales 18.00
tl Museum Ladin Ćiastel de Tor a San Martin .
USP
